تحليل مورفولوجي ( شكلاني) لنموذج من الحكايات الخرافية "الطامة أم سبعة روس" ... الأستاذة شريفة جوادي

تحليل مورفولوجي ( شكلاني) لنموذج من الحكايات الخرافية "الطامة أم سبعة روس"

خطاب الحكاية



الوظيفة :
رحيل

خطاب الحكاية
ترباوا هاذوك الذراري و كبروا
- كي كبرو عادو يصيدو مع بعضاهم
يلبسو كيف كيف ، خيلهم كيف كيف
سلاقهم كيف كيف ، سيوفهم كيف كيف
- المرا ما عادتش تعرف من بنها من بن المرا الميتة

الوظيفة :
منع

خطاب الحكاية
- راحت للدبار ، قاتلو : " ياالمدبر .. دبر علي ..
هاو ما صار .. هاو ماصار .. ابني و بن ضرتي
الوظيفة :
استنطاق

خطاب الحكاية
كيف كيف وما عرفتش من ابني ومن بن ضرتي
قال لها : "روحي كي توقتي عليهم موليين من الصيادة، كحلي عينك وحلي حزامك وارقدي وديري روحك مريضة راه ابنك يجي يجري ليك
وبن ضرتك يبقى لخر

الوظيفة :
إخبار

خطاب الحكاية
- واسات واش قال لها الدبار . هما جاو وهي فرشت وكحلت وحلت حزامها ورقدت ودارت روحها مريضة جاء بنها يجري وبن ضرته بقى لخر علمت بنها.

الوظيفة :
خدعة وتواطؤ

خطاب الحكاية
- هي علماته وهي في صبحتها بدات توكل سلاق بنها الماكلة لمليحة
وهذاك تعطي لسلاقه النخالة وتعطي لعود بنها القورط والشعير ولعود لاخر التبن

الوظيفة :
إساءة ونقص

خطاب الحكاية
بنها توكلو كسرة القمح والدهان ولاخر تعطيه المقلوبة ، الكسرة نتاع الشعير تعطي لبنها خير من بن ضرتها فهم بن ضرتها وحزن
- واحد النهار قال لخوه " أنا هاني رايح نرفد روحي من هذي البلاد

الوظيفة :
وساطة

خطاب الحكاية
هاك أدي العود والسلاق . حلله.. حلله.
- قالو أبدا خلاص ما بقالي قعاد في هذاالبلاد

الوظيفة :
استهلال الفعل المعاكس



خطاب الحكاية
- هاني نغرس مطرق في هذا المضرب كي تجيه إذا لقيتو خضر هاني حي وإذا لقيتو يبس هاني مت
- ودع خوه وراح هذاك الطفل نقل روحو مشى ، مشى . لهون ، لهون.. لهون..

الوظيفة :
انطلاق

خطاب الحكاية

-
قال لها:" يعني لو كان نقتل هذي الطامة السلطان يعطيني الطفلة هذي نزوج بيها
قاتلو:" يعطيها لك". قال لها وريهو لي وراتهولو
راح ليه لقاه مديها. قال له هذي لاه مكتفها وهذي الجفنة وين مديها.
قال له راني ماديهم للطامة أم سبع روس باش تاكلهم وتخلينا الماء باش نشربو من العين
قال له " وكان نقتل هذي الطامة تعطيني هذا الطفلة نتزوج بيها ؟ قال له:"نعطيها لك

الوظيفة :
علامة

ونعطيك نص المحكمة
اداو الطفلة والجفنة للعين
- هو ولاوا وهو بقى مع الطفلة. طولت الطامة ما خرجتش جاء في حجرها ورقد هي حست بالطامة خارجه، وهي بكات طاحت دمعة من دمعاتها على خده، حرقاتو. ناض، شاف الطامة
قال لها : " ويناه لي يضرب لول يا طامة ؟
قالتلو "اضرب انت لول" يضرب هويطيح لها راس ، تضرب هي تطير لو قندورة

الوظيفة :
معركة


خطاب الحكاية

هو لابس سبع قنادر يضرب يطيح لها راس تضرب هي تطيرلو قندورة.حتى طيرلهاروسها السبعة

الوظيفة :
انتصار

خطاب الحكاية
- حل كتاف الطفلة تخلط الماء بدم الطامة

الوظيفة :
إصلاح

خطاب الحكاية

وزوجوه بهذيك الطفلة واعطاوه نص المحكمة ونص البلاد وخوه الآخر كل ما يروح للمطرق يلقاه زايد غير يخضار

الوظيفة :
زواج







المصدر: بوخالفة عزّي ، الحكاية الشعبية في بيئتها الاجتماعية ، مذكرة ماجستير ، الملحق ، مخطوط، معهد اللغة والأدب العربي ، جامعة الجزائر، 1994.

تنبيه : لقد حدد " فلاديمير بروب" الوظائف بإحدى وثلاثين وظيفة لا نجدها كلها في هذه الحكاية

لأن هذه الأخيرة حكاية بسيطة وليست حكاية مركبة.إليكم جدول الوظائف :


- استهلال الفعل المعاكس : يقبل البطل السعي أو يقرره بنفسه
- انطلاق : يغادر البطل منزله
- وظيفة الواهب الأولى : يتلقى البطل مساعدة سحرية بعد التعرض لاختبار
- رد فعل البطل: يرد البطل على أفعال الواهب
- استلام الأداة السحرية: توضع الأداة تحت تصرف البطل
- انتقال بين مملكتين : يقاد البطل إلى المكان الذي يوجد به موضوع بحثه
- معركة: يتبارز البطل وخصمه
- علامة: يتلقى البطل علامة
- انتصار: ينهزم الخصم.
- إصلاح : إصلاح الإساءة وتعويض النقص
- عودة : يعود البطل إلى موطنه
- مطاردة: يطارد البطل
- نجدة : يسعف البطل
- الوصول متنكرا: يصل البطل متنكرا إلى بيته أو إلى بلد آخر
- دعاوي كاذبة : يدعي بطل مزيف لنفسه دعاوي كاذبة
- مهمة صعبة : تقترح على البطل مهمة صعبة
- مهمة منجزة : إنجاز المهمة الصعبة
- تعرف: التعرف على البطل الحقيقي
-اكتشاف: يكتشف قناع البطل المزيف
- تغير الهيئة: يكتسي البطل مظهرا جديدا
- عقاب: يعاقب البطل المزيف
- زواج: يتزوج البطل ويرتقي إلى العرش.